२० फाल्गुण २०८०, आइतबार
03-03-2024 , Sun
×

बबिना भट्टराईको स्वरमा ‘शिवोहम शिवोहम’ शिव भजन (भिडियो सहित)

Logo
Nepali Songs Khabar प्रकाशित मंगलबार, माघ ०२, २०८०

काठमाडौ,२ माघ । जब आदिगुरु शंकराचार्य जीले आफ्नो गुरुलाई पहिलो पटक भेटे, तब उनका गुरुले बालक शंकरसँग उनको परिचय मागे । बालक शंकरले आफूलाई कुन रूपमा परिचय गराए भन्ने भाव नै ‘शिवोहम शिवोहम’ भजनको सार हो ।

बालक शंकर आफ्नो परिचयको क्रममा भन्छन् ‘न म मन, बुद्धि, अहंकार र स्मृति हुँ, न म कान, जिब्रो, नाक र आँखा हुँ । न म आकाश, न भूमि, न प्रकाश न वायु, म नै चेतनाको रूप हुँ, म परमानन्द हुँ, म शिव हुँ, म शिव हुँ ।’

न म मुख्य प्राण हुँ, न त म पाँच प्राणहरू प्राण, उडान, अपन, व्यान, सामन मध्ये कोही पनि हुँ, न त म सप्तधातुहरू छाला, मासु, बोसो, रगत, मांसपेशी, हड्डी, मज्जा मध्ये कोही पनि हुँ । पाँच कोश अन्नमाया, मनोमाया, प्रणमाया, विज्ञानमय, आनन्दमय मध्ये कुनै पनि छैन, न म वाणी, हात, खुट्टा, न म गुप्तांङ्ग, न गुदा, म चेतनाको रूप हुँ, म आनन्द हुँ, म शिव हुँ, म शिव हुँ।’

भगवान शिवका यिनै महिमाहरुको गुणगान हो भजन’शिवोहम शिवोहम’। भगवान शिवको भक्तिगान, विशेषता मिश्रित भजन ‘शिवोहम शिवोहम’ भक्ति संगीतमा ख्यातिप्राप्त गायिका तथा संगीतकार बबिना भट्टराईको स्वरमा विणा भक्ति युट्व च्यालन मार्फत सार्वजनिक भएको छ ।

भगवान प्रति पूर्ण आस्था र विश्वास राख्ने गायिका बबिनाको स्वरमा रहेका भगवान शिवका अन्य भजनहरु भोलेबाबा, ओम् नमः शिवाय, लिंगाष्टकम स्त्रोत्र, शिव पञ्चाक्षर आदि विणा भक्ति युट्व च्यानलमा सुन्न सकिन्छ । शिव भजन बाहेक भगवान श्री कृष्णको भजन काले काले छौ तिमी कृष्ण कन्हैया मधुर मधुर वंशी बज्यो बृन्दा बनैमा ।

लगायत भगवान श्री कृष्णका अन्य भजनहरु मधुराष्टकम्, महामन्त्रको रुपमा जपिने हरे कृष्ण हरे कृष्ण कृष्ण कृष्ण हरे हरे ..हरे राम हरे राम राम राम हरे हरे, अच्युतम् केशवम् रामानारायणम्, श्री कृष्ण गोविन्द हरे मुरारे, अच्युताष्ठकम आदि सहित भगवान श्री राम, दुर्गा भजन लगायतका विभिन्न भजनहरु बीणा भक्ति युट्व च्यानलमा संग्रहित रहेका छन् ।

बबिनाले भक्ति संगीत बाहेक नेपाली सुगम संगीतमा पनि धेरै गीत, गजलहरुमा आफ्नो सुमधुर स्वर दिएकी छिन् । धर्म, अध्यात्म र भक्तिमा बबिना भट्राईले दिएकी योगदान विशेष प्रशंसनीय रहेको छ । नेपाली भजनप्रेमीहरुले उनको भजनलाई खुव रुचाएका छन्, आगामी दिनहरुमा पनि उनी भजनद्धारा भगवानको भक्तिभाव र गुणगानलाई निरन्तरता दिई समाजमा अध्यात्म स्थापित गर्न प्रयास गर्ने बताउँछिन् ।
गायिका: बबिना भट्टराई । 

कमेन्ट गर्नुहोस्
सम्बन्धित

काठमाडौं,१७ फागुन । चौथो राष्ट्रिय साधना म्युजिक रिवार्ड २०८० सम्पन्न भएको छ । नियमित रुपमा हरेक वर्ष आयोजना गरिदै आएको राष्ट्रिय साधना म्युजिक रिवार्ड नेपालको पहिलो रिवार्ड हो । पहिलो र दोश्रो अवार्डकै रुपमा रहेपनि तेश्रोबाट रिवार्ड भएको साधना म्युजिक रिवार्ड, यसपटक विभिन्न २३ विधामा अवार्ड प्रदान गर्दै सकिएको छ । सामना म्युजिक क्रियशनको आयोजनामा […]

काठमाण्डौ, २६ माघ । कला भाषा संस्कृतिक सम्पदा नेपाली गीत संगीतको प्रबर्द्धन विश्वबजार सम्म चिनाउने अग्रजलाई सम्मान अनुजलाई प्रोत्साहनको साथ प्रियसी म्युजिक प्रालीको आयोजना थाइल्यान्ड, सिंगापुर, हुँदै मलेशियामा म्युजिक भिडियो निर्देशक बबिता श्रेष्ठ ज्युको सभापतित्व सिनियर गायक तथा लोक दोहोरी गीत प्रतिष्ठान नेपालका पुर्व अध्यक्ष चन्द्र शर्माज्युको प्रमुख आतिथ्यतामा सब्य तथा भब्यताको साथ तेस्रो अन्तर्राष्ट्रिय […]

काठमाण्डौ, २२ माघ । भारतको चर्चित गायन रियालिटी शो ‘इन्डियन आइडल सिजन १४’ उपाधि दौडमा रहेकी नेपाली गायिका मेनुका पौडेल प्रतिस्पर्धाबाट बाहिरिएकी छिन् । उनी टप १० बाट टप ८ मा जाने क्रममा बाहिरिएकी हुन् । उनीसँगै अर्का प्रतिस्पर्धी उत्कर्ष वाङखडे पनि बाहिरिएका छन् । टपटेनमै रोकिए पनि उनको गायिकीले इण्डियन आइडलमा अत्याधिक बटुलेको थियो […]