२० फाल्गुण २०८०, आइतबार
03-03-2024 , Sun
×

किन टिक्न सकेन गायिका एलिना चौहान र बिष्णुको प्रेम ?

Logo
Nepali Songs Khabar प्रकाशित मंगलबार, माघ ०९, २०८०

काठमाण्डौ, ९ माघ ।‘धोकेबाज हौ तिमी’ गीतको फिमेल भर्सन यतिबेला सबैभन्दा बढी भाइरल हुनेमध्ये पर्छ । गायिका एलिना चौहानको स्वर रहेको यो गीत उनको करिअरकै महत्वपूर्ण गीत बनिसकेको छ । किनकी उनी जहाँ जहाँ पुग्छिन् यो गीत नगाई धरै पाउँदिनन् । धेरैको जीवनमा मिल्ने भएकाले होला दर्शक श्रोताले उनलाई खुलेरै साथ दिएका हुन्छन् ।

कतिपयले एलिनालाई ‘धोकेबाज’ गायिकाको रुपमा समेत सम्बोधन गर्ने गरेका छन् । यतिबेला उनै चर्चित र व्यस्त गायिकाको जीवनमा समेत यो गीत ठ्याक्कै मिलेको छ । वास्तविक जीवनमै उनले धोका पाएकी छिन् । केहि समय अघि मात्रै गायिका एलिना चौहान र विष्णु सापकोटाको प्रेम सम्बन्धको खबरले सामाजिक सञ्जाल तताएको थियो ।

तर र्दुभाग्य उनीहरु प्रेम सम्बन्ध बचाउन सकेनन् । उनीहरुको प्रेमको आयु १ वर्ष पनि पुगेन । । भ्यालेन्टाइनको मुखैमा आएर एक अर्काबाट टाढिए । प्रेमका कारण थप चर्चामा आएको यो जोडीले एउटा पनि भ्यालेन्टाइन डे सेलिब्रेसन गर्न भ्याएन ।

अफेयरको हल्ला चलिरहेका बेला एलिना स्वयंले आफुबीचको प्रेम सम्बन्धलाई आफैंले सार्वजनिक गरेकी थिइन् । २०७९ साल चैत ५ गते इन्टाग्राममा प्रेमी विष्णु सापकोटासँगको तस्वीर सेयर गर्दै उनले आफू अफेयरमा रहेको पुष्टी गरेकी थिइन् । उनले विष्णुसंगको तस्वीर सेयर गर्दै उनले लेखेकी थिइन् ‘तिम्रो बारेमा सोच्दा म जागा रहन्छु।

तिम्रो सपना देख्दा म निदाएको निदायै हुन्छु। तिमीसँग रहनुले मलाई जिवित राख्छ ।’ स्टाटसको अन्तिममा उनले हार्ट इमोजी पनि राखेकी थिइन् । गायिका एलिनाले आफूहरु बीच भएको प्रेमलाई सार्वजनिक सञ्जालबाट स्वीकारेपछि उनको पोस्टमा फ्यानहरुले बधाई पनि दिएका थिए । तर उनीहरुको प्रेम सम्बन्ध १ वर्ष भन्दा लामो टिक्न सकेन ।

बाग्लुङका विष्णु लामो समयदेखि अष्ट्रेलियामा बसोबास गर्दै आएका छन् । एलिना गत भदौमा तिजको कार्यक्रमका लागि अष्ट्रेलिया गएकी थिइन् । त्यहीवेला उनीहरुको पहिलो भेट भएको र बिस्तारै प्रेम सम्बन्ध झाँगिन थालेको चर्चा भएको थियो । एलिना अष्ट्रेलियाबाट फर्किँदा विष्णु पनि उनीसँगै आएका थिए ।

एलिनाले विष्णुसँग प्रेमीलता दर्शाउने थुप्रै टिकटक भिडियोहरु पनि पोष्ट गरेकी थिइन् । ती भिडियोमा धेरैले ‘नाइस कपल’ भनेर बधाई समेत दिएका थिए । उनले आफूहरुबीचको नामलाई मिलाएर ह्यासट्याग गर्दै नयाँ नाम समेत राख्न भ्याएकी थिइन् । विष्णुसँगको एउटा टिकटक भिडियोमा ३बदिष्कबछछ लेखेर पोस्ट गरेकी थिइन् ।

एलिना र विष्णुले पटक–पटक फेसबुक लाइभमा सँगै आएर आफूहरूको प्रेमलाई छताछुल्ल पारेका थिए । एलिनाले विष्णुसँग विवाहको योजनासमेत बुनिरहेकी थिइन् । उनले यही वर्षको मंसिर विवाह हुन सक्ने बताउँदै आएकी थिइन् । उता विष्णुले भने ‘ट्रिउ लभ’ नगरेको र चर्चाको लागि मात्रै एलिनासँग नजिकिएको हल्ला पनि पनि नभएको होइन ।

किनभने यस अघि पनि विष्णु कलाकारिता क्षेत्रकै युवतीहरुसँग प्रेमसम्बन्धमा रहेको चर्चा चल्ने गरेको थियो । यतिसम्मकी एक चर्चित मोडलसँगकोे प्रेम सम्बन्ध रहेकै बेला उनी एलिनासँग नजिकिएका थिए । विष्णुसँग ‘ब्रेकअप’को शिकार भएकी उक्त मोडल यतिबेला मोडलिङमै राज गरिरहेकी छिन् ।

विगत जे जे भएपनि छोटो समयमा गहिरो प्रेम दर्शाएको यो जोडीको पनि अन्ततः प्रेम सम्बन्ध टिकेन । प्रेम सम्बन्ध अगाडि नबढ्नुको कारण विष्णुले केही समयदेखि एलिनालाई मानसिक यातना दिइरहेको स्रोतको दाबी छ । आफ्नो चरित्रमाथि नै विभिन्न प्रश्न उठाउने, फोनमा भद्दा गालीगलौज गर्ने र परिवारका सदस्यका विषयमा समेत नचाहिँदा कुरा गर्न थालेपछि एलिना स्वयंले विष्णुसँग प्रेमसम्बन्धलाई टुंग्याएकी हुन् ।

‘बे्रकअप’ को समाचारलाई एलिना स्वयंले पुष्टी समेत गरेकी छिन् । छोटो समयमा नै ब्रेकअपको समाचार सुन्नु पर्यो, सत्यता के हो भनेर बुझ्दा उनले भनिन् । ‘यो सत्य हो । ब्रेकअप अलि अगाडि नै भएको हो । मलाई यो विषयमा भन्नुपर्छ भन्ने पनि लागेन ।’ उनले अगाडि भनिन– ब्रेकअपले केहि समय पीडा दिए पनि त्यसबाट बाहिर निस्की सकें । अहिले स्वतन्त्र भएकी छु र खुशी पनि छु ।’

झापा घर भएकी एलिना छोटो समयमै लोकप्रिय हुने गायिकामा पर्छिन् । सुरुवाती दिनमा कभर गीत गाउँदै सांगीतिक यात्रा थालनी गरेकी एलिनालाई पछिल्लो समय गीत गाउन रेकर्डिङ स्टुडियोमा भ्याइनभ्याई हुन्छ । रेकर्डिङका अलावा स्टेज कार्यक्रममा पनि एलिनाको व्यस्तता र लोकप्रियता उस्तै छ ।

हजुर कता ? रमाईलो तथा मनोरंजन’ भिडियोहरु एता chiranjivi bhandari youtube च्यानलमा जोडिनुहोला है हजुर’ ? तपाइहरुलाई मनोरंजन सहित पलपलको सुचना तथा समाचार दिने हाम्रो प्रयास’ आउनुहोस काँधमा काँध मिलाई हातेमालो गरौँ |

कमेन्ट गर्नुहोस्
सम्बन्धित

काठमाडौं,१७ फागुन । चौथो राष्ट्रिय साधना म्युजिक रिवार्ड २०८० सम्पन्न भएको छ । नियमित रुपमा हरेक वर्ष आयोजना गरिदै आएको राष्ट्रिय साधना म्युजिक रिवार्ड नेपालको पहिलो रिवार्ड हो । पहिलो र दोश्रो अवार्डकै रुपमा रहेपनि तेश्रोबाट रिवार्ड भएको साधना म्युजिक रिवार्ड, यसपटक विभिन्न २३ विधामा अवार्ड प्रदान गर्दै सकिएको छ । सामना म्युजिक क्रियशनको आयोजनामा […]

काठमाण्डौ, २६ माघ । कला भाषा संस्कृतिक सम्पदा नेपाली गीत संगीतको प्रबर्द्धन विश्वबजार सम्म चिनाउने अग्रजलाई सम्मान अनुजलाई प्रोत्साहनको साथ प्रियसी म्युजिक प्रालीको आयोजना थाइल्यान्ड, सिंगापुर, हुँदै मलेशियामा म्युजिक भिडियो निर्देशक बबिता श्रेष्ठ ज्युको सभापतित्व सिनियर गायक तथा लोक दोहोरी गीत प्रतिष्ठान नेपालका पुर्व अध्यक्ष चन्द्र शर्माज्युको प्रमुख आतिथ्यतामा सब्य तथा भब्यताको साथ तेस्रो अन्तर्राष्ट्रिय […]

काठमाण्डौ, २२ माघ । भारतको चर्चित गायन रियालिटी शो ‘इन्डियन आइडल सिजन १४’ उपाधि दौडमा रहेकी नेपाली गायिका मेनुका पौडेल प्रतिस्पर्धाबाट बाहिरिएकी छिन् । उनी टप १० बाट टप ८ मा जाने क्रममा बाहिरिएकी हुन् । उनीसँगै अर्का प्रतिस्पर्धी उत्कर्ष वाङखडे पनि बाहिरिएका छन् । टपटेनमै रोकिए पनि उनको गायिकीले इण्डियन आइडलमा अत्याधिक बटुलेको थियो […]