Flash

काठमाडौं – पूर्वप्रधानमन्त्री तथा समाजवादी पार्टी नेपालका अध्यक्ष बाबुराम भट्टराईले चलचित्र ‘छ माया छपक्कै’ हेरेपछि राम्रो लागेको प्रतिक्रिया दिएका छन् । मंगलबार साँझ चलचित्र हेर्न राजधानीको सिभिल मल पुगेका भट्टराईले चलचित्र सोचेभन्दा राम्रो भएको प्रतिक्रिया दिएका हुन् ।

चलचित्र ‘छ माया छपक्कै’ राजनीतिक विषयमाथि बनेको छ । एक गाउँमा हुने पानीको राजनीतिमाथिको कथा उनिएको चलचित्रलाई दीपेन्द्र लामाले निर्देशन गरेका हुन् । चलचित्रले समीक्षात्मक रुपमा पनि राम्रो प्रतिक्रिया पाएको छ भने बक्स अफिसमा पनि राम्रो व्यापार गरेको छ ।

‘छ माया छपक्कै शीर्षकले हल्काफुल्का फिल्मको संकेत गरे पनि समसामयिक विषयवस्तु र स्वस्थ मनोरञ्जनको उचित संयोजन रहेको यो नेपाली चलचित्र अपेक्षा गरेभन्दा राम्रो रहेछ,’ भट्टराईले सामाजिक सञ्जाल ट्वीटरमा लेखेका छन्, ‘विदेशी चलचित्रले प्रभुत्व जमाएको नेपाली बजारमा यस्ता फिल्मलाई प्रबर्धन गर्नु सबै हिसाबले उपयुक्त हुनेछ ।’

साथै भट्टराईले निर्माण टिमलाई बधाई तथा शुभकामना दिएका छन् । भट्टराईले कलाकारसँगै बसेर चलचित्र हेरेका थिए ।

यो चलचित्रमा दीपकराज गिरी, केकी अधिकारी, जितु नेपाल, केदार घिमिरे, प्रकाश घिमिरे लगायतका कलाकारको शीर्ष भूमिका छ । अभिनेता गिरीले तयार पारेको स्किृप्टलाई दीपेन्द्र लामाले निर्देशन गरेका हुन् । फिल्ममा लगानी भने रोहित अधिकारीको छ ।

Published date : 2019-10-23

सम्पर्क ठेगाना

NEPALI SONGSKHABAR .COM
KATHMANDU -ANAMNAGAR
PHONE 9808750580
EMAIL:- [email protected]
For Adv :- 9808750580

सामाजिक सञ्जालमा हामी

हाम्रो टिम

सस्थापक / सल्लाहकार
दिलिप योञ्जन तामाङ ,हाल अमेरिका

कार्यकारी निर्देशक
राजेन्द्र पुरी
डेक्स सम्पादक
बविता श्रेष्ठ
सम्पादक
रोशन पोखरेल
बजार ब्यावस्थापक
अमन श्रेष्ठ
ओम श्रेष्ठ