Flash

अमेरिकाको मेरिल्याण्डमा बसेर लामो समय देखि नेपाली सांगीतिक छेत्रमा सक्रिय
गायिका रानी शाक्यले ‘संसार फेर्ने’ बोलको सामाजिक संदेश बोकेको म्युजिक भिडियो सार्वजनिक गरेकी छिन।
गीतमा जीवन दर्शन र जीवन जिउने प्रेरणा र सकारात्मक सोच व्यक्त गरिएको छ। संसारलाई बदल्न सुरुवात आफै बाट गर्नु पर्छ। समय सधै एकनासको हुदैन । र आफुले चाहेको जस्तो पनि हुदैन । हरेक कुराको निश्चित अवधि हुन्छ । सङ्घर्ष नै जिन्दगी हो , बाँचुन्जेल सङ्घर्ष गर , समस्या अस्थायी हुन्छ , दुख सत्य हो , दिन पछि रात हुन्छ , रात पछि दिन हुन्छ। हिम्मत नहार , मैदान नछोड जस्ता जीवन उपयोगी प्रेरणादायी कुराहरु गीतमा समेटिएको छ।
यस गीतमा स्वर रानी शाक्यको रहेको छ भने निरन्तर गायिका शाक्य संग सहकार्य गर्दै आएका गीतकार अरुण तिवारीले गीतका शब्द लेखेका हुन्। गीतमा संगीत चर्चित संगीतकार दिपक शर्माको रहेको छ। यस गीतलाई पुरुषोत्तम न्यौपानेले संगीत संयोजन गरेका हुन।

जीवन शाहीको निर्देशनमा तयार पारिएको म्युजिक भिडियोमा मुख्य भूमिकामा चर्चित नायिका प्रियंका कार्की फिचर्ड छिन् भने राजु गिरी, रश्मी श्रेष्ठ र इन्द्र दोङ्ग लामा सहायक भूमिकामा देखिएका छन। उत्सव दहालले छायांकन गरेको भिडियोलाई नविन निरौलाले सम्पादन गरेका हुन्।
गायिका शाक्यको अफिसियल च्यानल रानी शाक्य मार्फत भिडियो सार्वजनिक भएको छ। सामाजिक सद्भाव कायम गर्दै सकारात्मक सोचका अघि बढ्न गायिका शाक्यले सम्पूर्ण नेपालीमा अनुरोध गरेकी छिन्। साथै यस म्युजिक भिडियोलाई माया गरिदिन गायिका शाक्यले सबै दर्शक , स्रोता र मिडिया हाउसलाई आग्रह गरेकी छिन्।

Published date : 2020-07-24

सम्पर्क ठेगाना

NEPALI SONGSKHABAR .COM
KATHMANDU -ANAMNAGAR
PHONE 9808750580
EMAIL:- [email protected]
For Adv :- 9808750580

सामाजिक सञ्जालमा हामी

हाम्रो टिम

सस्थापक / सल्लाहकार
दिलिप योञ्जन तामाङ ,हाल अमेरिका

कार्यकारी निर्देशक
राजेन्द्र पुरी
डेक्स सम्पादक
बविता श्रेष्ठ
सम्पादक
रोशन पोखरेल
बजार ब्यावस्थापक
अमन श्रेष्ठ
ओम श्रेष्ठ