Flash

राष्ट्रिय तथा अन्तर्राष्ट्रिय रुपमा लोकप्रिय एबम स्थापित नेपालका चार्चित सांगीतिक समुह ‘मंगोलियन हर्ट’ले स्थापनाको २५ वर्ष पूरा भएको रजत महोत्सव [सिल्बर जुब्ली]को अबसरमा सयुक्त अरब इमीरेट्समा पनि दुइ वटा सांगीतिक कार्यक्रम हुने भएको छ । यहि मङ्सिर २० र २१ अर्थात डिसेम्बर ६ र ७ मा यु ए इका दुइ शहर अबुधाबी र बर दुबईमा हुने मंगोलियन हर्टको भब्य सांगीतिक कार्यक्रमको आयोजना दुबई नेपाली रक्सले गरेको हो ।अबुधाबीमा डिसेम्बर ६ तारिखमा ली मेरिडियन होटेल र डिसेम्बर ७ तारिखमा बर दुबईको अस्टोरिया होटेलस्थित क्लब एभरेस्टमा हुने कार्यक्रमको सम्पूर्ण तयारी पुरा भएको आयोजक नेपाली रक्सका यमन गुरुङ र इन्द्र जंगगुरुङले जानकारी दिनु भयो ।
मंगोलियन हर्टका म्यानेजर एबम गीतारिस्ट बबी लामाका अनुसार ब्याण्डको सांगीतिक यात्रा २५ बर्ष पुगेकोमा २५ ठाउँमा सांगीतिक कन्सर्ट गर्ने लक्ष्य अनुरुप अहिले सम्म ८ वटा ठाउँमा गरिसकेको यु ए इको २ वटा कार्यक्रम पछि बाँकी १५ ठाउँको गर्ने तयारी लगभग सकिन लागेको छ
म्यानेजर लामाका अनुसार ब्याण्डले गर्नु पर्ने तयारी पुरा गरिसकेको र यु ए इमा पहिलो पल्ट हुन लागेको हुनाले पनि ज्यादै उत्साहित भएको साथै नयाँ र पुरानो गीतले दर्शकलाई मज्जाले नचाउने पनि जानकारी दिनुभयो यसै कार्यक्रम लागि गायक राजु लामा अमेरिकाबाट आइसकेका छन ।नेपाली सांगीतिक समूहहरु लामो समय सम्म टिक्न नसक्ने भन्ने भनाइलाई असत्य साबित गर्दै ब्याण्डले भब्य कार्यक्रमहरु गर्दै ‘सिल्भर जुब्ली’का कार्यक्रमहरु गर्दै आइरहेको छ । ७ वटा एल्बमका ५ दर्जन गीतहरु बजारमा आइसकेका नेपाली मेलोडी पप र सेलो गीतहरु गाउन सिपालु मंगोलियन हर्टका ‘हल्ला चलेछ’, ‘उँभो उँभो खासा’, ‘तिमीलाई देखेर’, ‘बादल पारिको देशबाट’, ‘सायद तिम्रो बाटोमा’, ‘मेरो नेपाल’,‘ओई नाना, ‘नतानुँ त तानुँ लाग्ने’, ‘गाजलु टीका’ लगायत गीत चर्चित छन्।

Published date : 2018-12-03

सम्पर्क ठेगाना

NEPALI SONGSKHABAR .COM
KATHMANDU -ANAMNAGAR
PHONE 9808750580
EMAIL:- [email protected]
For Adv :- 9808750580

सामाजिक सञ्जालमा हामी

हाम्रो टिम

सस्थापक / सल्लाहकार
दिलिप योञ्जन तामाङ ,हाल अमेरिका

कार्यकारी निर्देशक
राजेन्द्र पुरी
डेक्स सम्पादक
बविता श्रेष्ठ
सम्पादक
रोशन पोखरेल
बजार ब्यावस्थापक
अमन श्रेष्ठ
ओम श्रेष्ठ