Flash

काठमाडौं । गायिका मिना निरौला र गायक हरिशरण सायमीको स्वरमा सजिएको गीत बैंशालु ती डाली आज सार्वजनिक भएको छ । वरिष्ठ कलाकारहरिवंश आचार्यको प्रमुख आतिथ्यतामा उक्त गीतको म्यूजिक भिडियो सार्वजनिक गरिएको हो । मण्डला थियटरमा एक कार्यक्रमको आयोजना गरी बैंशालु ती डालीको भिडियोसमेत सार्वजनिक गरिएको हो ।
कार्यक्रमलाई स्वागत गर्दै गायक तथा संगीतकार हरिशरण सायमीले गीतसंगीतमा गरिएको मेहनतभित्र ‘बैंशालु ती डाली’ बोलको गीतले सबैको मन जित्नेमा विश्वास व्यक्त गरेका थिए ।

कार्यक्रममा साहित्यकार कलानिधि दाहालले कार्यक्रमको सम्बोधन गर्दै जोखिम मोल्न सक्नु नै सफलता भएको बताए । गीतकार मनिषा प्रसाईंलाई साधुवाद दिँदै साहित्यकार दाहालले प्रवासमा रहेर पनि गीतसंगीत र साहित्यमा होमिनु आफैंमा चुनौतिपूर्ण रहेको बताए ।
त्यस्तै गायक कलाकार यमनकृष्ण श्रेष्ठले हरिशरण सायमी आफ्नो अण्डा चिउरा खाने साथी भन्दै उहाँको क्षमताको प्रसंशा गरेका थिए । संगीतमा आफ्नो एउटा राम्रो साथी हरिशरण सायमी भएको बताए ।

त्यस्तै वरिष्ठ हाँस्यकलाकार हरिवंश आचार्यले महसंचारको पहिलो रोजाईको संगीतकार, एरेन्जर हरिशरण सायमी भएको बताउँदै सिर्जनामा राम्रो दख्खल भएका व्यक्तित्व भएको बताएका थिए भने गीतकार मनिषा प्रसाईंले प्रवासमा रहेर पनि नेपाली गीतसंगीतको योगदानमा महन्वपूर्ण भुमिका खेल्नुभएको भन्दै प्रशंसा गरेका थिए ।
बैंशालु ती डालीलाई मनिषा प्रसाईंले लेखेकी हुन् भने हरिकृष्ण सायमीले संगीत तथा संगीत संयोजन गरेका छन् । मिना निरौला र हरिकृष्ण सायमीको स्वर रहेको छ । भिडियोलाई सोनाम पाख्रिनले निर्देशन गरेका छन् भने ज्ञानेन्द्र शर्माले छायाँकन गरेका छन् । माधव वेल्वासेको सम्पादन रहेको भिडियोमा आयुष र सृष्टिको अभिनय रहेको छ ।

 

Published date : 2019-03-26

सम्पर्क ठेगाना

NEPALI SONGSKHABAR .COM
KATHMANDU -ANAMNAGAR
PHONE 9808750580
EMAIL:- [email protected]
For Adv :- 9808750580

सामाजिक सञ्जालमा हामी

हाम्रो टिम

सस्थापक / सल्लाहकार
दिलिप योञ्जन तामाङ ,हाल अमेरिका

कार्यकारी निर्देशक
राजेन्द्र पुरी
डेक्स सम्पादक
बविता श्रेष्ठ
सम्पादक
रोशन पोखरेल
बजार ब्यावस्थापक
अमन श्रेष्ठ
ओम श्रेष्ठ