Flash

काठमाडौं, बैशाख १३ । ईमेज लोककलाकार सिजन–दुईको उपाधि रामेछापका आरके नेपालीले जितेका छन् ।

काठमाडौंमा शुक्रबार सम्पन्न ग्राण्ड फिनालेमा नेपालीले उपाधी विजेता बनेका हुन् । उनले डेढ लाख रुपैयाँ समेत हात पारेका छन् ।

यस्तै पब्लिक च्वाई तर्फको अवार्ड भने शितल गुरुङले जितेका छन् ।

देशका विभिन्न स्थानमा गरिएको अडिसन राउण्डमा एक हजार बढी कलाकार सहभागी भएकोमा विभिन्न चरण पार गर्दै पछिल्लो आठ महिनाको अवधिमा फाइनल राउण्ड पार गरी टप टेन हुदै पाँच जना प्रतियोगीबाट विजेता छनौट गरिएको हो ।

टप फाइभमा बत्ती थापामगर, भगवती खाती, शीतल गुरुङ, रामकुमार नेपाली र मोहन केसी पुगेका थिए । नेपाली लोकसंगीतको संरक्षण र श्रीवृद्धिमा जुटेको इमेज च्यानलले विगत दुई वर्षदेखि इमेज लोककलाकार नामक रियालिटी शो गर्दै आएको छ ।

ग्राण्ड फिनाले कार्यक्रममा मन्तब्य दिंदै ईमेज गू्रपअफ कम्पनीजनका अध्यक्ष आरके मानन्धरले लोक संगीतका सर्जकहरुलाई प्रोत्साहन गर्न र नयाँ पुस्तालाई मञ्च प्रदान गर्ने उद्धेश्यले ईमेज लोककलाकार प्रतियोगिता संचालन गरेको धारणा राख्नुभयो ।

ईमजे लोक कलाकारको विजेता घोषणा कार्यक्रमको ईमेज च्यानल, ईमेज एफ ९७.९ र ईमेज न्युज एफ एम १०३.६ ले प्रत्यक्ष प्रसारण गरेका थिए ।

Published date : 2019-04-28

सम्पर्क ठेगाना

NEPALI SONGSKHABAR .COM
KATHMANDU -ANAMNAGAR
PHONE 9808750580
EMAIL:- [email protected]
For Adv :- 9808750580

सामाजिक सञ्जालमा हामी

हाम्रो टिम

सस्थापक / सल्लाहकार
दिलिप योञ्जन तामाङ ,हाल अमेरिका

कार्यकारी निर्देशक
राजेन्द्र पुरी
डेक्स सम्पादक
बविता श्रेष्ठ
सम्पादक
रोशन पोखरेल
बजार ब्यावस्थापक
अमन श्रेष्ठ
ओम श्रेष्ठ